ZORAM TODAY| Aizawl 9th June, 2024 (Sun): June 3 - July 3, 2024 chhung hian Synod Mission Board hnuaia Nurse-te tan Refresher Training, Synod Office-ah neih mek a ni a, training tur hian Nurse 20 koh an ni. 

Training chhung hian thupui chi hrang hrang - Mental Health, Family Counselling, Evangelism in Modern Context, Health Care Awareness, Community Health leh thil pawimawh hrang hrang an zir a. Training hi thla khat awh tura ruahman a ni a, kar khat chhung theory class an kal ang a, kar thum chhungin practical class - Synod Hospital, Durtlang leh Civil Hospital, Aizawlah te an nei ang. 

Training chhung hian a remchan dan angin Aizawl khaw chhung hmun remchangah Free Check-up an nei thin bawk dawn a ni.

Synod Mission Board hnuaiah hian Missionary Nurse 130 chuang awmin Refresher training tur hian a tah tawlin koh thin an ni.